ادخلوااااااااااا نكت روعة

المساهمات : 105 تاريخ التسجيل : 14/04/2011 العمر : 29

-واحد الغاشي ما يفهمو والو..يعني حابسين ...مثلا الكوكاو اللي بالقشور يكتبولهم عليه عبارة' اضغط هنا '...التقاشر مكتوب عليهم 'يمين شمال' البنان مكتوب عليه 'يؤكل من الداخل' الياوورت مكتوب فيه من الاسفل' انتهى ' العلبة نتاع التونة مكتوب عليها 'لاتخف انه ميت'

2-قالك واحد السيد تصور بين 2 حير وبعثها لصاحبته...وكتب تحتها ملاحظة "راني فالوسط

3-واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة

4-واحد الطلاب كان يهدر مع وحدة سمينة قالها 'اعطني الدراهم باش نشري الخبز راني يومين ما كليتش' قاتلو' راني حاسداتك على لاطاي نتاعك يرحم ابوك قولي شكون الطبيب اللي عطاك هدا الريجيم'

5-زوج كباش تفاهمو مع بعض ..كل واحد يعور الاخر ..باش ما يدبحوهمش فالعيد الكبير

6-واحد كان يتبع في وحدة قالها "واش بيك تجري واش راه وراك " قاتلو"راه ورايا حمار

7-حمار شاف خطيبته (حمارة)قالها"وقتاش نتزوجو يا حمارة" قاتلو"كي تسقم هدرتك يا واحد الحمار

8-قالك واحد الجزار راح يخطب قالولو موالين الطفلة "لازم تدفع 5ملاين فالعروس" قاللهم "علاش شحال للكيلو

9-واحد الكلب قعد غي ينبح حتى ضرو راسو.....علاه..كان ينبح في واحد اطرش

10-خطرة واحد كان يسرح بالنعاج وحاط رجل فوق رجل ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في رجلي .لقيت النعاج طاحو

11- مرة واحدكان قدام البحر هو و حبيبته ..ايا قاتلو"فاش يفكرك غروب الشمس " قالها "برجوع قرانديزر الى القاعدة

12- واحد فنيان يخدم في حانوت تاع الدجاج (يبيع الدجاج حي) جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو تنوض

13-واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار

14- قالك وواحد قال لباباه "شريلي بورتابل " قالو " نشريلك بصح ركب خوتك معاك

15-قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو"واش راك تسمع" قالو المهبول "اسمع بوذنك" كي حط الطبيب وذنو على الحيط قالو "ماراني نسمع والو"ايا قالو المهبول "هادي اللي راها مهبلتني

16-عربي وأمريكي وياباني حطوهم على جهاز كشف الكذب الياباني قال "احنا رانا نفكرو نصنعو إنسان آلي ونستغناو عن البشر"فبدا الجهاز يسينيالي ...الامريكي قال "احنا رانا نفكرو نسكنو فالمريخ " فبدا الجهاز يسينيالي ..العربي قال" احنا رانا نفكرو.." وقبل ما يكمل هدرتو بدا الجهاز يسينيالي

17- قلك إمام فنيان ناض الصباح يأذن و يقول :الله أكبر 2فوا أشهد أن محمدا رسول الله 2 فوا

18-أيا معلم طاحلوا قلم أيا رفعو بالضمة

19-أيا واحد راح يقطع الطريق تكسرلوا المقص

20-أيا واحد كسر الدورا دارت جبيرة و جابتلو خوها

21-أيا إمام كان يخطب وحاط البرتموني تاعو في جيب القميص الفوقاني أيا و يقولهم الإيمان في القلب و يتأكد من صواردو أيا قلهم الإيمان في القلب وملقاش البورتموني قالهم الإيمان في القلب وهنا و هنا وهنا وهنا ومالقاهومش(أيما راح البوتموني)

22-أيا واحد شرب قهوة حصلولوا لكراسا

23-أيا واحد بلع 100 دينار قالوا الطبيب أشرب زيت عرب أيا الزيت راح و العرب قعدوا يدابزو على ال100دينار

24-أيا وحدة ققاتلها المعلمة كي يبلع خوك الصغير المفتاح واش الديري قاتلها نخرج من النافذة

25-أيا وحد الطلابة دخلت لكار و بدات تطلب من الاول لحتى الشيفور واحد ماعطالها أيا هبطت سقساها واحد قالها الحاجة وين رايح الكار قالتلو أبني هاد لكار رايح ل جهنم

25 مهابل تفاهمو يخرجو من السبيطار ايا قالهم واحد منهم إذا لقينا الصور صغير النقزوا و نسكيفيو و لالقينا الصور كبير أن نهدموه و نسكيفيو أيا راحو مالقاوش صور قالهم هاداك أيا نرجعو الخطة فشلت

26-أيا زوج مهابل قاعدين على شط البحر
الأول:ايا كون جا لبحر نار واش نديروا
الثاني: هذي واعرة ناكلو حوت مشوي

27-أيا زوج مهابل مع بعض واحد سقسا الاخر قالو وين راه باباك قالوا هاو ليك قالوا وين قالو هاو واقف نت عمى قالو وين أيا رفد كابوسة وعطاه وقال لصاحبو :شفت هاداك لي طاح هاداك هو بابا

28-ودمتم في رعاية الله و حفضه
لايخرج أحدكم حتى يضع تعليقه ولو كلمة شكر
للكلمات الغير مفهومة انا هنا

Admin المساهمات : 77 تاريخ التسجيل : 12/03/2011

hamssa :

بارك الله فيك على كل ماتيذلينه من جهد ونشاط ..........فانت تستحقين كل الشكر والاحترام والتقدير ......................مشككككككككككككككككككككككككككككوورة